လွန်ခဲ့သောနှစ်အတန်ကြာက မျိုးရိုးဗီဇစစ်ဆေးမှုကို ကျွန်မလုပ်ဆောင်ခဲ့ပြီးနောက် ကျွန်မ၏ဘိုးဘေးများအကြောင်း ကျွန်မသိချင်လာသည်။ ဆွေမျိုးအချို့တို့အကြောင်းကို ကွယ်လွန်သွားပြီဖြစ်သောဖခင်နှင့်မိခင်တို့ထံမှ ကြားသိခဲ့ရသည့်အတွက် ကျွန်မဝမ်းမြောက်မိသည်။ ကျွန်မ၏ဘိုးဘေးများအကြောင်း ကြားသိရခြင်းဖြင့် ကျွန်မ၏မျိုးရိုးဇစ်မြစ်နှင့်ချိတ်ဆက်မှုကို ခံစားရစေပြီး သူတို့၏ အတွေ့အကြုံများမှ တစ်ဆင့် သင်ယူခွင့်ရစေခဲ့သည်။
ကျွန်မတို့၏ဝိညာဉ်ရေးရာမျိုးရိုးနှင့်ပက်သက်လာလျှင် ( မ ၁:၁-၁၇) နှင့် (လု ၃:၂၃-၃၈)တို့တွင် မှတ်တမ်းတင်ထားသည့် ရှင်ယေရှု၏ မျိုးရိုးစဥ်ဆက်က ထူးမြတ်သော လက်ဆောင်တစ်ခုဖြစ်သည်။ သခင်ယေရှု၏မျိုးရိုးမှတ်တမ်းအရ ကိုယ်တော်သည် မေရှိယဖြစ်ပြီး၊ အာဗြံဟံမှ တိုက်ရိုက်ဆင်းသက်လာသောမျိုးဆက်ဖြစ်သည်။
ကိုယ်တော်၏မျိုးရိုးရာဇဝင်ကို ဖတ်ရှုသည့်အခါ "လူမျိုးအများတို့၏အဘ" ဖြစ်စေမည်ဟု အာဗြဟံနှင့်ထားရှိခဲ့သည့်ကတိတော်အပေါ် ဘုရား၏သစ္စာရှိမှုကို တွေ့မြင်ရသည်(က ၁၇:၁-၈)။ ထိုကတိတော်ပြည့်စုံပြီး၊ နှစ်ပေါင်းနှစ်ထောင်ကြာပြီးနောက် တမန်တော်ရှင်မဿဲက ”အာဗြဟံနှင့်ဒါဝိဒ်တို့မှဆင်းသက်တော်မူသော ယေရှု၏ဆွေတော်စဉ်မျိုးတော်ဆက်စာရင်း”ကို ရေးခဲ့သည်(မ ၁:၁)။
သမ္မာကျမ်းစာမှ ဖော်ပြသည့် ယေရှု၏မျိုးရိုးစဥ်ဆက်စာရင်းက ကိုယ်တော်၏ ယုဒလူမျိုး ပရောဖက်ပြုထားသည့် မေရှိယဖြစ်ခြင်းကို ပြနေသည်။ ဒါဝိဒ်မင်းကဲ့သို့သော တော်ဝင်မျိုးဆက်၏အမည်နှင့် လက်သမားယောသပ်ကဲ့သို့သော…
မိသားစုဝင်များ လာရောက်လည်ပတ်ခြင်းမရှိသော ပြုစုစောင့်ရှောက်ရေးဂေဟာများ၌ နေထိုင်သူများ၊ အိမ်ထဲ၌ တစ်ယောက်တည်း အထီးကျန်စွာ မနေချင်သောကြောင့် အပြင်သွားလျက် အချိန်ဖြုန်းသော မုဆိုးမ၊ ရင်ဖွင့်တိုင်ပင်စရာတစ်ဦးမှမရှိသော သာသနာ့ခေါင်းဆောင်များနှင့် လျစ်လျူရှုခြင်း ခံရလျက် အထီးကျန်လျက်ရှိသော အိမ်ယာမဲ့များ စသည်ဖြင့် အကြောင်းအမျိုးမျိုးနှင့် အထီးကျန်မှုကို ရင်ဆိုင်နေရသူများစွာကို လွန်ခဲ့သည့်နှစ်များတစ်လျှောက်တွင် ကျွန်မအားပေးတိုက်တွန်းလျက် သူတို့အတွက် ဆုတောင်းပေးခဲ့သည်။
အထီးကျန်မှုက မည်သည့်အချိန်၌ဖြစ်ပါစေ မည်သူ့ကိုမဆို ရိုက်ခတ်နိုင်ပါသည်။ အမေရိကန်နိုင်ငံ ဆရာဝန်များ အသင်းမှ ၂၀၂၃ ခုနှစ်၌ အထီးကျန်မှုကူးစက်ရောဂါအကြောင်း သတိပေးသည့် အကြံပေးစာတမ်းကို ထုတ်ဝေခဲ့သည်။ အမေရိကန်နိုင်ငံရှိ အရွယ်ရောက်ပြီးသူဦးရေ ထက်ဝက်ခန့်က အထီးကျန်မှုကို ခံစားခဲ့ရပြီး အထီးကျန်ခြင်းသည် နေ့စဥ် စီးကရက်တစ်ဒါဇင်သောက်သကဲ့သို့ ဆိုးရွားသည့်ထိခိုက်မှု ရှိနိုင်သည်ဟု ထိုအကြံပေးစာအရ သိရသည်။
မောရှေသည် သူ့နေရာ၌ဆက်ခံမည့်သူ ယောရှုထံ ခေါင်းဆောင်မှုကို လက်လွှဲရန် အသင့်ဖြစ်ချိန်၌ ဣသရေလလူမျိုးတို့အား ကတိတော်မြေသို့ ဝင်ရောက်ရာတွင် တိုက်ပွဲများကို…
လမ်းပြအက်ပ်(App)မှ အမေရိကန်နိုင်ငံ Las Vegas(လပ်စ်ဗေးဂတ်စ်) မှ Los Angeles (လော့စ် အင်ဂျလိစ်) သို့ သွားရာ လမ်းခရီးကြာချိန်ကို ၁ နာရီ လျော့စေမည့်ဖြတ်လမ်းကိုပြသောအခါ Shelby Easler (ရှဲဘီ အက်စ်လာ)နှင့် သူ၏အစ်ကိုတို့သည် ထိုလမ်းညွှန်ချက်နောက် လိုက်ခဲ့သည်။ သို့သော် ထို“ဖြတ်လမ်း”မှာ ရွံ့ထဲတွင် နာရီပေါင်းများစွာ မောင်းနှင်ရပြီး၊ ကယ်လီဖိုးနီးယား ပြည်နယ် Mojave (မိုဂျေ့ဗ်)ကန္တာရ၏ သဲမုန်တိုင်း၌ သူတို့ နှစ်ဦးအချိန်အတော်ကြာ ပိတ်မိနေခဲ့သည်။ ထိုလမ်းမှ သူတို့လှည့်ပြန်နိုင်ခဲ့သော်လည်း ကြမ်းတမ်းသော လမ်းခရီးကြောင့် ကားပျက်စီးပြီး ကားဆွဲပြန်ခဲ့ရသည်။ ထိုလမ်းညွှန်ဆော့ဝဲ ဖန်တီးသူသည် မှားယွင်းသော လမ်းညွှန်ချက်များအတိုင်း သွားခဲ့သည့် ခရီးသွားများစွာတို့ကို တောင်းပန်ခဲ့သည်။
မည်သူထံမှ ကျွန်ုပ်တို့လမ်းညွှန်မှု ခံယူသည်က အရေးကြီးသည်။ ယေရှုကို ယုံကြည်သူများအနေနှင့်၊ သမ္မာတရားနှင့်စပ်လျဥ်း၍ ဦးဆောင်လမ်းညွှန်မှုအတွက် ကျွန်ုပ်တို့အား သန့်ရှင်းသောဝိညာဉ်တော်ကို ပေးထားပါသည်။
ယေရှုသည်…
လွန်ခဲ့သောနှစ်အတန်ကြာက အလုပ်သို့ ရထားစီးသွားရန် ဘူတာသို့လမ်းလျှောက်သွားစဉ် ကျွန်မဘက်သို့ လာနေသည့် ရန်လိုနေပုံပေါက်သည့်ခွေးနှင့်၎င်း၏ပိုင်ရှင်အမျိုးသမီးကို တွေ့ခဲ့ရသည်။ အိမ်မွေးခွေးများအနီးအနား၌ ကျွန်မကြီးပြင်းလာခဲ့၍ အမွှေးထူထူနှင့်မိတ်ဆွေများကို တော်ရုံ ကျွန်မကြောက်လေ့မရှိပါ။ သို့သော် ထိုခွေးသည် အလွန်အန္တရာယ်ရှိပုံပေါ်ပြီး၊ ၎င်းကို မသိလိုက်ဘာသာနေရန် ကြိုးစားခဲ့သော်လည်း နီးလာလေ ကျွန်မကို ဟောင်ပြီး လှမ်းခုန်အုပ်မည်ပြုသော ကြောင့် ကျွန်မ အော်လိုက်မိသည်။ ထိုခွေးသည် ကျွန်မကို မမှီသောကြောင့် ကျွန်မကို အန္တရာယ်မပြုနိုင်ခဲ့၍ တော်တော့သည်။ ပိုင်ရှင်က ခွေးထိန်းကြိုးကို သေချာ တင်းကြပ်စွာ ကိုင်ထားခဲ့သောကြောင့်ပင်။
ထိုကြောက်စရာအတွေ့အကြုံက စာတန်သည် “ထိန်းသိမ်းခံ”ထားရသော်လည်း ကျွန်မတို့ သူ့အား အခွင့်ပေးလိုက်သည်နှင့် ကျွန်မတို့ကို တိုက်ခိုက်ရန် စောင့်နေကြောင်း ခရစ်တော် နောက်တော်လိုက် ယုံကြည်သူများအား သတိပေးနေသည်။ ၁ပေတွင် ရှင်ပေတရုက “သင်တို့၏ရန်သူတည်းဟူသော မာရ်နတ်သည် ဟောက်သောခြင်္သေ့ကဲ့သို့ အဘယ်သူကိုမျိုရမည် နည်းဟူ၍လှည့်လည်ရှာဖွေလျက်ရှိ၏”ဟူ၍ ကျွန်မတို့ကို သတိပေးသည်(၅:၈)။ စာတန်သည်…
အနောက်အန္တာတိကဒေသရှိ ၆ လသားအရွယ် ပင်ဂွင်းငှက် ၇၀၀ ခန့်သည် မာကျော သောရေပြင်အထက် ပေ ၅၀ မြင့်သည့် ရေခဲတောင်ထိပ်တွင် တိုးဝှေ့သွားလာနေကြသည်။ ထိုအထဲမှ ပင်ဂွင်းငှက်တစ်ကောင်သည် ရှေ့သို့ ဦးစိုက်ကာ အောက်ရှိ အေးခဲသောရေထဲသို့ ယုံကြည်ခြင်းဖြင့် ခုန်ချလိုက်ပြီး အဝေးသို့ ရေကူးသွားသည်။ မကြာမီ အခြားပင်ဂွင်းငှက်များလည်း ထိုနည်းအတိုင်း လိုက်၍ခုန်ချကြတော့သည်။
ငယ်ရွယ်သောပင်ဂွင်းငှက်များသည် ပေအနည်းငယ်အမြင့်မှ ရေပြင်ပေါ်သို့ခုန်ချ ပြီး ပထမဦးဆုံးရေကူးခြင်း အတွေ့အကြုံကိုရယူလေ့ရှိသည်။ ပင်ဂွင်းအုပ်စု၏သေခြင်း ဖီဆန်ကာ ခုန်လွှားလိုက်ပုံကို ကင်မရာ၌ ပထမဆုံး ဓာတ်ပုံ ရိုက်ယူမိခြင်းဖြစ်သည်။
ပထမဦးဆုံးရေကူးခြင်း အတွေ့အကြုံရယူရန် ဘာဖြစ်မည်မသိသောနေရာသို့ မျက်ကန်းကဲ့သို့ခုန်ချသော ထိုပင်ဂွင်းငှက်တို့၏လုပ်ရပ်သည် ကယ်တင်ခြင်းရရှိရန် လူတစ်ဦးတစ်ယောက်က သခင်ယေရှုကို ယုံကြည်ကိုးစားခြင်းနှင့် ဆင်တူသည်ဟု အချို့က ပြောကြသည်။ သို့သော်လည်း ကိုယ်တော့်ကိုယုံကြည်ခြင်းသည် ထိုအရာနှင့် ဆန့်ကျင်ဘက်ဖြစ်သည်။ ဟေဗြဲသြဝါဒစာကို ရေးသားသူက “ယုံကြည်ခြင်းသည် မျှော်လင့်သောအရာတို့ကို…
လွန်ခဲ့သောနှစ်အနည်းငယ်က ပါရီမြို့သို့ အလည်အပတ်သွားရင်း အားလပ်ရက်တွင် သူငယ်ချင်းတစ်ဦးနှင့် အီဖယ်မျှော်စင် အနီးဝန်းကျင်၌ ညစာစားရန်ချိန်းထားပြီး၊ ထိုအချိန်မတိုင်မီတွင် ကျော်ကြားသောမြို့တစ်ဝိုက်တွင် တစ်ဦးတည်း လည်ပတ်ရန် ကျွန်မအချိန်အနည်းငယ်ရခဲ့သည်။ ဖုန်းဘက်ထရီ မကုန်မီအထိ အားလုံးအဆင်ပြေသည်။ ကျွန်မ၌ မြေပုံမရှိခြင်းကြောင့် မည်သည့်နေရာသို့သွားနေသည်ကို မသိသော်လည်း မြို့ကြီးသူဖြစ်၍ ကျွန်မထိတ်လန့်မှု မရှိပေ။ ထိုးထွက်နေသော အီဖယ်မျှော်စင်ကို လှမ်းကြည့်ပြီး Seine(စိန်း) မြစ်ကမ်းတစ်လျှောက်ဆက်လျှောက်ခဲ့သည်။ အထင်ကရမျှော်စင်နှင့် နီးကပ်လာသည်အထိ အဆင်ပြေခဲ့သော်လည်း နောက်ဆုံးတွင် မျှော်စင်မှာ ပတ်ဝန်းကျင်ရှိ အဆောက်အအုံများနောက်တွင် တနည်းနည်းဖြင့် ပျောက်ကွယ်သွားသည်။
ဤမျှကြီးမားသော မျှော်စင်က မြင်ကွင်းမှကွယ်ပျောက်သွားနိုင်ခြင်းကို ကျွန်မအံ့ဩမိသည်။ နောက်ဆုံးတွင် အကူအညီလိုပြီဟု သိလိုက်ရ၍ လမ်း မေးမြန်းလိုက်မှ သူငယ်ချင်းကို ရှာတွေ့ခဲ့သည်။
ဘဝအသက်တာကို ခန့်မှန်း၍မရပေ။ ဘဝတွင် အတားအဆီးများနှင့် စိန်ခေါ်မှုများကို ရင်ဆိုင်ရသည့်အခါ၊ ဘုရားသခင်ထံ အကူအညီနှင့် လမ်းညွှန်မှု ကို တောင်းခံနိုင်သည်။ ကိုယ်တော်ထံ အကူညီတောင်းခြင်းက…
လွန်ခဲ့သောတစ်ရက်က မီးပွိုင့်နီသွား၍ ကားတစ်စီးအနောက်တွင် ရပ်လိုက်ပြီး နောက်မှန်တွင် ကပ်ထားသော တောက်ပသည့် စတေကာကို သတိထားမိလိုက်သည်။ စာတန်းလေးက “ကားမောင်းတတ်စ ယာဥ်မောင်းဖြစ်သောကြောင့် ကျေးဇူးပြု၍ စိတ်ရှည်ပါ”ဟု ထင်းနေအောင် ရေးထားသည်။ ကျွန်ုပ်တို့ကြားရသည့် (သို့) ကြုံရ သည့် လမ်းပေါ်မှ ဒေါသဖြစ်စရာများကြောင့် အခြားယာဉ်မောင်းများကို စိတ်ရှည်ရန် ပြောထားသည်မှာ အင်မတန်မှ ထိရောက်သော သတိပေးချက် တစ်ခုဖြစ်သည်။
စတေကာကိုကြည့်ရင်း “မိဘအသစ်” (သို့) “ခရစ်ယာန်အသစ်” ဖြစ်ကြောင်း သတိပေးဆိုင်းဘုတ်များကို လူတို့ကိုင်ဆောင်ထားပါက မည့်သို့တုံ့ပြန်ကြမည်နည်း ဟု ဆင်ခြင်မိသည်။ ကျွန်ုပ်တို့၏အိမ်နီးချင်းများ၊ လုပ်ဖော်ကိုင်ဖက်များ (သို့) တစ်နေ့တာလုံးတွင် ကျွန်ုပ်တို့နှင့်ဆက်ဆံနေရသူများ၏ ဖြတ်သန်းရုန်းကန်ရသည့်အရာများကို သိထားပါက ကျွန်ုပ်တို့သည် သူတို့အပေါ်ပို၍စိတ်ရှည်ပေးပြီး ၎င်းတို့၏ရုန်းကန်မှုများကိုပင် ကူညီဖြေရှင်းပေးပါမည်လား။
ကျွန်ုပ်တို့သည် အခြားသူများ၏နှောင့်ယှက်မှုကိုမခံရအောင် ရှောင်ရှားရင်း မိမိ၏နေ့ရက်များကို အလျင်အမြန်ဖြတ်သန်းနေနိုင်သော်လည်း လူတို့ကို သခင်ယေရှု မည်သို့ပြုမူဆက်ဆံခဲ့သည်ကို သုံးသပ်ကြည့်ကြပါစို့။ သခင်ယေရှုသည်…
ဘရာဇီးနိုင်ငံသို့ ရက်တိုသာသနာပြုအဖွဲ့နှင့် ခရီးသွားခဲ့စဥ်အတွင်း ကျွန်မတို့သည် အမေဇုန်တောကြီးအတွင်း ဘုရားကျောင်းဆောက်လုပ်ရေး၌ ကူညီခဲ့ကြသည်။ ဘုရားကျောင်း၏အုတ်မြစ်ကို ချပြီးသားဖြစ်ပြီး၊ ထောက်တိုင်များ၊ ကွန်ကရစ်နံရံများ၊ ပြတင်းပေါက်များ၊ သံမဏိခေါင်မိုးယက်မများ၊ ခေါင်မိုးမျက်နှာကြက်ကြွေပြားများ စသည့် အစိတ်အပိုင်းအမျိုးမျိုးကို နာမည်ကျော် လေဂို(LEGO)ဧရာမကစားစရာ အစုံလိုက်ပမာ တပ်ဆင်ခဲ့ကြသည်။ ထို့နောက် နံရံများကို ဆေးသုတ်ခဲ့ကြသည်။
မုတ်သုံရာသီဖြစ်၍ ဘုရားကျောင်း အချိန်မီ ပြီးပါ့မလားဟု တွေးမိသောကြောင့် အချို့က စိတ်ပူကြသည်။ သို့သော် ဘုရားရှင်၏ကျေးဇူးတော်ကြောင့် မိုးကြီးခြင်း မဖြစ်ပေါ်ခဲ့ပါ။ အမျိုးမျိုးသော အခက်အခဲများရှိသော်လည်း ဒေသခံအချို့တို့၏ အကူအညီဖြင့် သတ်မှတ်ချိန်တွင် အလုပ်ပြီးမြောက်ခဲ့သည်။
နေဟမိနှင့် ဣသရေလလူမျိုးတို့သည် ယေရုရှလင်မြို့ရိုးကို ပြန်လည် တည်ဆောက်ရန် ကျွန်ခံရာတိုင်းတစ်ပါးမှ ပြန်လာကြသောအခါ သူတို့သည် များစွာသောအတားအဆီးများကို တွေ့ကြုံခဲ့ကြသည်။ မြို့ရိုးတည်ဆောက်နေသည်ကို ရန်သူများကတွေ့သောအခါ ဒေါသထွက်၍ သူတို့အား ကဲ့ရဲ့စော်ကားခဲ့ကြသည် (နေ ၄:၁-၃)။ သို့သော် နေဟမိသည် ဆုတောင်း၍…
ဆယ်ကျော်သက်တစ်ဦးအနေဖြင့် ရေခဲပြင်အလှပြစကိတ်အားကစားကို ကျွန်မ အလွန်နှစ်သက်ခဲ့သည်။ ရေခဲပြင်ပေါ်၌ ကိုယ်ခန္ဓာကို လျင်မြန်စွာ လှည့်ပတ်ခြင်း၊ အမြင့်ခုန်ခြင်း၊ ပြည့်စုံလှပသည့် ကိုယ်ဟန်အနေအထားများနှင့်အတူ အနုပညာ နှင့် အားကစားလိုက်ဖက်စွာ ပေါင်းစပ်မှုကို ကျွန်မနှစ်သက်မြတ်နိုးခဲ့သည်။
ပရော်ဖက်ရှင်နယ် စကိတ်စီးသမားများ၏ တင်ဆက်မှုများစွာကို ကြည့်ရှုရပြီးနောက် ရေခဲပြင် စကိတ်စီးရန်အခွင့်အရေးကို ကျွန်မရရှိခဲ့ပြီး အဖွဲ့လိုက် သင်ကြားမှု၌ ပါဝင်ခဲ့သည်။ မည်သို့လျှောစီးရွေ့လျားပြီး မည်ကဲ့သို့ရပ်ရမည်ကို သင်ယူရပြီး၊ ကျွမ်းကျင်မှုအဆင့် မည်မျှရှိနေပါစေ စကိတ်စီးသူတစ်ဦးအတွက် အရေးပါဆုံးစွမ်းရည်ဖြစ်သော မည်ကဲ့သို့လဲကျကာ မည်ကဲ့သို့လျင်မြန်စွာ ပြန်ထရမည်ကိုလည်း သင်ယူခဲ့ရသည်။ နောက်ပိုင်းတွင် ခန္ဓာကိုယ် လှည့်ပတ်မှု ပုံစံများစွာနှင့် အမြင့်ခုန်မှုများစွာကို ကျွန်မသင်ယူခဲ့ရသော်လည်း လဲကျသည့်အခါ မည်သို့ပြန်ထရမည်ဟူသည့် အခြေခံသင်ခန်းစာများအပေါ်၌ ကျွန်မအမြဲတမ်း မှီခိုအားထားခဲ့ရသည်။
“လဲကျခြင်း”သည် ဘဝ၏အစိတ်အပိုင်းတစ်ရပ်ဖြစ်ကြောင်း သိရှိရန် အားကစားသမားဖြစ်ရန် မလိုပါ။ အပြစ်ကျူးလွန်မိခြင်းကြောင့် လဲကျခြင်း၊ အမှားကြောင့် ခြေချော်ခလုတ်တိုက်မိခြင်း (သို့) လွှမ်းမိုးဖိစီးလွန်းသည့်အခြေအနေကြောင့် ကျွန်မတို့…
ကလေးဘဝက “မင်းကြီးလာရင် ဘာဖြစ်ချင်သလဲ” ဟုအမေးခံရလျှင် ဘန်(Ben)က “ကျွန်တော် ဒေ့ဗ် (Dave) လို ဖြစ်ချင်တယ်” ဟုပြောသည်။ ဘန်၏အစ်ကိုသည် အားကစားသမား၊ မိတ်ဆွေများခြင်းနှင့် ဂုဏ်သတင်းမွှေးသော ကျောင်းသားဖြစ် သည်။ တစ်ဘက်တွင် ဘန်က “ငါက အားကစားမှာ ကိုးယို့ကားယားနိုင်ပြီး၊ ရှက်တတ်တယ်။ သင်ယူခြင်းမှာ အားနည်းတယ်။ ငါက ဒေ့ဗ်နဲ့ ရင်းနှီးတဲ့ဆက်ဆံရေး အမြဲလိုချင်ခဲ့တယ်။ ဒါပေမယ့် သူက မလိုချင်ဘူး။ သူက ငါ့ကို ‘ငြီးငွေ့စရာ’ လို့ခေါ်တယ်”ဟု သူက ပြောသည်။
ဘန်သည် အစ်ကိုကြီး၏မေတ္တာရရှိရန် ကြိုးစားရင်း သူ့ဘဝအချိန်များစွာ အချည်းနှီးကုန်ဆုံးခဲ့သည်။ ဘန် သည် သခင်ယေရှု၏နောက်တော်လိုက်တစ်ဦးဖြစ်လာသောအခါမှသာ ကယ်တင်ရှင်၏ချစ်ခြင်း၌ခိုလှုံရန် သိရှိခဲ့သည်။
ယာကုပ်၏ပထမဇနီးလေအာသည် ခင်ပွန်း၏ချစ်ခြင်းရရှိရန် သူမဘဝအချိန်များစွာ ကြိုးစားခဲ့သော်လည်း (က ၂၉:၃၂-၃၅)၊ ယာကုပ်က ရာခေလကိုသာ အစဉ်ချစ်ခင်ခဲ့သည်။ သို့သော် လေအာ၏အတိဒုက္ခကို ဘုရားသခင်…